ГҮМБҮМ ХИЙДИЙН МӨРГӨЛ

Мигзэмийн бүтээл хийсэн хэсэг номын нөхдийн хамт Гүмбүм хийдэд мөргөлөөр яваад ирлээ.

Гүмбүм хийд бол Богд Зонхавын мэндэлсэн газар байгуулагдсан төвөдийн зургаан их хийдийн нэг юм.

Зургаан зуун жилийн тэртээ 1357 онд Төвөдийн Хөхнуур муж Сонгинын_ам хэмээх газар нэгэн сод хөвүүн мэндэлж эрдэм мэдлэгийн оройд цойлдон гарсан нь гэлүгвийн шашны тэргүүн Богд Зонхава болой.

Хүй цүглэж эхийнх нь шунх туссан газраас зандан мод ургаж, модны навч бүрийд Арслан хүрхрэлт бурхан буман тоотой урган тодорсон нь эдүгээгийн Гүмбүм хийдийн гол шүтээн Алтан сэвэрт сүм ажээ.

Эрт дээр үеэс монголчууд жин тээн Гүмбүм хийдэд мөргөлөөр зорьдог байсан нь Богд Зонхавын мэндэлсэн газар тул ялгамжаат адис жинлавтайнх буй амуй.

Цэцэг ногоо дэлгэрч тансаг үнэр анхиланхан агаад гороонд нам гүмхэн, мөргөлчид сүм тус бүрээр мөргөн хурал номын дуу сонсон чуулалдана.

Бидний хэсэг нөхөд Богд Зонхавын адис энерги шингэсэн түүхэн дагшин хийд орныг нүдээр үзэн мөргөл үйлдэхийн сац Дарь эхийн мянган тахилын хурал хуруулж буянаа базаан, басхүү Хөхнуур, Өвөрмонголын музей зэрэг газар үзэж харах юм бишгүй их ганзаг дүүрэн явж ирлээ.

Дараа дараагийн мөргөл аялал бий.