ХЭЭРИЙН ДАДЛАГА-2025 амжилттай болж өндөрлөлөө

Манай төвийн Ламримын 1, 2, 3-р ангийн суралцагчид багш нарын хамт 2025 оны 8-р сарын 16, 17-ны өдрүүдэд Архангай аймгийн Хотонт сумын нутагт байрлах Түшдийн рашаанд Хээрийн дадлага-2025 хөтөлбөр амжилттай болж өндөрлөлөө. Мөн эртний түүхт адистид ариун дагшин Шанхын хийд, Эрдэнэ зуу хийдээр мөргөл хийв.

Хөтөлбөр нь Бодь мөрийн зэрэг, Чойр, Уншлагын хичээлээр номын нийллэг хийж асуулт хариулт өрнүүлэн өмнөх хичээлийн жилд үзсэн хичээлийн ойлголтыг бататгахад оршсон бөгөөд суралцагчид идэвхтэй сайн оролцлоо. Үйл ажиллагаа төвийн багш нар удирдан явуулж, Энэтхэгийн Брайбун Лосолингийн аграмба Бара ринбүүчи зочин багшаар морилж Ёндонширжүрмаа айлдаж, Ширнэн, Цэнд судрын эш хайрласан нь ихэд бэлгэ дэмбэрэлтэй үйл явдал болов.

Ийнхүү Хээрийн дадлага-2025 хөтөлбөрт уригдаж зочин багшаар морилсон Энэтхэгийн Брайбун Лосолингийн аграмба Бара ринбүүчи, багш нар болон идэвхтэй оролцсон нийт суралцагчдадаа гүн талархсанаа илэрхийлье.